முரசு !!!

வலிமை உடையது தெய்வம் - நம்மை

வாழ்ந்திடச் செய்வது தெய்வம் ;

மெலிவு கண்டாலும் குழந்தை - தன்னை

வீழ்த்தி மிதித்திட லாமோ

தம்பி சற்றே மெலிவானால் - அண்ணன்

தானடிமை கொள்ள லாமோ ?

செம்புக்கும் கொம்புக்கும் அஞ்சி - மக்கள்

சிற்றடி மைப்பட லாமோ ?

அன்பென்று கொட்டு முரசே ! - அதில்

யார்க்கும் விடுதலை உண்டு ;

பின்பு மனிதர்க ளெல்லாம் - கல்வி

பெற்றுப் பதம் பெற்று வாழ்வார்

அறிவை வளர்த்திட வேண்டும் - மக்கள்

அத்தனை பேருக்கும் ஒன்றாய்

சிறியரை மேம்படச் செய்தால் - பின்பு

தெய்வம் எல்லோரையும் வாழ்த்தும்

பாருக்குள்ளே சமத் தன்மை - தொடர்

பற்றுஞ் சகோதரர் தன்மை

யாருக்கும் தீமை செய் யாது -புவி

யெங்கும் விடுதலை செய்யும்

வயிற்றுக்குச் சோறிட வேண்டும் -இங்கு

வாழும் மனிதருக் கெல்லாம் ;

பயிற்றுப் பல கல்வி தந்து -இந்தப்

பாறை உயர்த்திட வேண்டும்

ஒன்றென்று கொட்டு முரசே - அன்பில்

ஓங்கென்று கொட்டு முரசே !

நன்றென்று கொட்டு முரசே - இந்தப்

நானில மாந்தருக்கெல்லாம் !!